آئندہ عام انتخابات میں تحریک انصاف کے ساتھ اتحاد ہو گا یا نہیں ؟ پرویز الہیٰ نے چوہدری شجاعت کے ہمراہ پریس کانفرنس میں اعلان کر دیا

Must read



آئندہ عام انتخابات میں تحریک انصاف کے ساتھ اتحاد ہو گا یا نہیں ؟ پرویز الہیٰ …

لاہور (ڈیلی پاکستان آ ن لائن )مسلم لیگ (ق) کے صدر چوہدری شجاعت نے کہا ہے کہ فوج ملک کی محافظ ہے اسے پتا ہے ملک کو کیسے سنبھالنا ہے، سیاست میں نظریاتی اختلاف کو ذاتی دشمنی میں نہیں بدلنا چاہیے۔

چوہدری شجاعت حسین اور چوہدری پرویز الٰہی سے سینئرصحافیوں نے ملاقات کی جس میں سابق وفاقی وزیر مونس الٰہی اور دیگر رہنما بھی شریک تھے۔اس موقع پر چوہدری شجاعت حسین نے کہا کہ ہمیں چاہیے آج ہم اپنی انا کی قربانی بھی دیں کیونکہ اسی طرح معاملات میں بہتری آئے گی۔انہوں نے کہا کہ فوج ملک کی محافظ ہے اسے پتا ہے ملک کو کیسے سنبھالنا ہے، سیاست میں نظریاتی اختلاف کو ذاتی دشمنی میں نہیں بدلنا چاہیے سب کو چاہیے کہ ایک دوسرے پر الزامات لگانے کے بجائے عوام کا سوچیں۔

چوہدری شجاعت کا کہنا تھا کہ اگلے الیکشن میں گجرات شہر سے ایم پی اے کی ٹکٹ کا فیصلہ مونس الٰہی کریں گے وہ اس حلقے کے رکن قومی اسمبلی ہیں۔اس موقع پرپرویز الٰہی نے کہا کہ چوہدری شجاعت ہمارے بڑے ہیں اور خاندان کے فیصلے وہی کرتے ہیں۔انہوں نے مزید کہا کہ آئندہ کچھ سال میں سیاست کا نقشہ بدل جائے گا اور نئے چہرے سیاست کے میدان میں آئیں گے ، آئندہ الیکشن میں پی ٹی آئی کے ساتھ اتحاد کرکے لڑیں گے۔

سینئر صحافیوں سے گفتگو میں مونس الٰہی نے کہا کہ چوہدری شجاعت اور چوہدری پرویز نے سمجھا رکھا ہے کہ شریف خاندان کے لوگ پیٹھ میں چھرا گھونپتے ہیں ان پر اعتماد نہیں کرنا۔ ان کا کہنا تھا کہ ہم نئی سیاسی جماعت نہیں بنا رہے بلکہ مسلم لیگ کے پلیٹ فارم سے ہی الیکشن لڑیں گے۔

مزید :

اہم خبریںقومی





Source link

More articles

LEAVE A REPLY

Please enter your comment!
Please enter your name here

Latest article