سپریم کورٹ نے ڈپٹی سپیکر رولنگ از خود نوٹس کیس کا تفصیلی فیصلہ جاری کر دیا 

Must read



سپریم کورٹ نے ڈپٹی سپیکر رولنگ از خود نوٹس کیس کا تفصیلی فیصلہ جاری کر دیا 

اسلام آباد(ڈیلی پاکستان آن لائن ) سپریم کورٹ آف پاکستان نے ڈپٹی سپیکر رولنگ از خود نوٹس کیس کا 111 صفحات پر مشتمل تفصیلی فیصلہ جاری کردیا، جسے چیف جسٹس پاکستان جسٹس عمر عطا بندیال نے تحریر کیا ہے۔

نجی ٹی وی ایکسپریس نیوز کے مطابق فیصلے میں لکھا گیا ہے کہ چیف جسٹس پاکستان کے گھر پر ہونے والے اجلاس میں 12 ججز نے از خود نوٹس کی سفارش کی اور پھر سپریم کورٹ نے آئین کو مقدم رکھنے اور اس کے تحفظ کیلئے ڈپٹی سپیکر رولنگ پر از خود نوٹس لیا۔ فیصلے میں لکھا گیا ہے کہ ڈپٹی سپیکر کے غیر آئینی اقدام کی وجہ سے سپریم کورٹ متحرک ہوئی، ڈپٹی سپیکر کی رولنگ کی وجہ سے وزیراعظم کی سفارش پر صدر مملکت نے اسمبلی توڑی جس پر اپوزیشن اور عوام کے بنیادی آئینی حقوق متاثر ہوئے۔

تحریری فیصلے میں جسٹس عمر عطا بندیال نے لکھا کہ از خود نوٹس کی کاروائی کے دوران بیرونی دھمکی آمیز مراسلہ (سائفر) عدالت کو نہیں دکھایا گیا تاہم فریقین نے اس حوالے سے دلائل دیے اور عدالت کو بنیادی نکات (اجزا) سے آگاہ کیا۔سپریم کورٹ کے فیصلے میں لکھا گیا ہے کہ سائفر کے حوالے سے نیشنل سیکورٹی کونسل کے اعلامیہ میں بیرونی مداخلت جانچنے کیلئے سائفر پر تحقیقات کا نہیں کہا گیا، سیکورٹی کونسل اعلامیے میں اپوزیشن جماعتوں کے بیرون طاقتوں کے ساتھ مل کر عدم اعتماد لانے کا ذکر بھی موجود نہیں ہے۔

سپریم کورٹ نے اپنے تحریری فیصلے میں لکھا کہ سائفر سپریم کورٹ یا کسی اپوزیشن جماعت کے رکن کو نہیں دکھایا گیا، عدالت کو عدم اعتماد لانے کے حوالے سے بیرون مداخلت کا بھی کوئی ثبوت نہیں دیا گیا، بیرونی سازش میں شامل کسی شخص کا نام بھی حتمی طور پر سامنے نہیں لایا گیا۔فیصلے میں کہا گیا ہے کہ ڈپٹی سپیکر نے بھی رولنگ میں مزید تحقیقات کا کہا، 7 مارچ کو دھمکی آمیزٍ مراسلہ موصول ہونے کے بعد بھی اس وقت کی حکومت نے تحقیقات نہیں کروائیں جبکہ پی ٹی آئی حکومت نے اس معاملے پر کمیشن تشکیل دینے کی منظوری دی تھی، کمیشن کی تشکیل کا فیصلہ اس وقت کی حکومت کے پاس نامناسب شواہد کا اشارہ دیتی ہے۔

سپریم کورٹ نے فیصلے میں لکھا کہ عدم شواہد کی بنیاد پر ہی پی ٹی آئی حکومت کے سائفر کے نیشنل سیکورٹی سے منسلک ہونے کے موقف کو تسلیم نہیں کیا جا سکتا، سائفر پر از خود نوٹس لینے کے پی ٹی آئی کے مطالبہ کی ماضی میں کوئی مثال نہیں ملتی، مسلم لیگ ن کے دور میں انتخابات کی تحقیقات کیلئے صدر کی جانب سے انکوائری کمیشن تشکیل دینے کا راستہ اپنایا گیا تھا۔سپریم کورٹ کے معزز ججز جسٹس مظہرعالم میاں خیل اور جسٹس جمال خان مندوخیل نے اضافی نوٹ تحریر کیے۔

جسٹس (ر) مظہر عالم میاں خیل کا اضافی نوٹ

سپریم کورٹ کے تحریری فیصلے میں جسٹس (ر) مظہر عالم میاں خیل نے اضافی نوٹ لکھا کہ ڈپٹی اسپیکر قومی اسمبلی کی نام نہاد رولنگ بدنیتی پر مشتمل تھی، سپیکر کے بجائے ڈپٹی سپیکر نے اجلاس کی کارروائی کیوں چلائی اسکا جواز نہیں بتایا گیا اور قاسم سوری نے پہلے سے تیار کردہ رولنگ پڑھ کر سنائی۔اضافی نوٹ میں لکھا گیا ہے کہ اگلے منٹ میں عمران خان نے صدر مملکت کو اسمبلیاں تحلیل کرنے کا کہا جس پر صدر مملکت نے اسمبلیاں تحلیل کردیں۔

اضافی نوٹ میں لکھا گیا سپیکر یا ڈپٹی سپیکر قومی اسمبلی کی قانونی خلاف ورزی پہ عدالتیں جائزہ لے سکتی ہیں، جب عدم اعتماد کی تحریک جمع ہو جائے تو اس پر ووٹنگ کرانا لازم ہے، سپیکر یا ڈپٹی سپیکر کو یہ اختیار حاصل نہیں کہ وہ رولنگ کے زریعے عدم اعتماد کی تحریک کو رد کرے۔

رکن پارلیمنٹ سپیکر کا حلف لیتے وقت غیرجانبدار (نیوٹرل) رہنے کا عہد کرتا ہے جس کے تحت ا±سے کسی کے دباو¿ میں نہیں آنا چاہیے۔ جسٹس مظہر عالم میاں خیل نے لکھا کہ پارلیمنٹ مستقبل میں ایسے واقعات کی روک تھام کیلئے اقدامات کرے، ووٹنگ کے حق سے محروم کرنا آئینی انحراف ہے، ڈپٹی سپیکر نے جو کیا وہ پارلیمانی کارروائی کو آئینی تحفظ حاصل ہونے کے دائرے میں نہیں آتا۔

مزید :

اہم خبریںقومی





Source link

More articles

LEAVE A REPLY

Please enter your comment!
Please enter your name here

Latest article